Get live statistics and analysis of Baburam Bhattarai's profile on X / Twitter

My heart-felt solidarity with my alma mater JNU! Please save this holy temple of learning!

पत्नीको हत्या गर्ने डिआइजी अदालतबाट सजाय कटौती गराएर विजयी राजनेता झैं हात हल्लाउँदै निस्कन्छ! जाँड खाएर गाडी चलाउँदा सडकपेटीमा मान्छे मार्ने धनाढ्यको छोरो अदालतबाट धरौटीमा रिहा हुन्छ!सांसद अपहरण गर्ने पूर्व आइजीपी विरूद्ध सरकारले मुद्दै चलाउँदैन! यो असफल राज्यको लक्षण नभए के हो?

Congratulations,JNU ! You are the beacon of New Enlightenment !

बल्ल हजूरबा भैयो!असार२८गते विहान१०.०५ बजे टिचिंग अस्पतालमा छोरी मानुषी र ज्वाइँ जेकेन्द्रलाई पुत्रलाभ भएको छ! डा.गीता गुरूंग र टिमलाई सफल अपरेसनकालागि धन्यवाद! अहिलेसम्म हाम्रो परिवारमा २२औं शताब्दी देख्ने सम्भावना भएको एकमात्र शिशुको सुस्वास्थ्यको कामना!मानुषी-जेकेन्द्रलाई वधाइ!

नयाँ नक्सा सहितको संविधान संशोधन२५८विरूद्ध ० मतले पारित हुनु सबै नेपालीकोनिम्ति गर्वको बिषय त हुँदै हो।त्यो भन्दा दूरगामी महत्वको विषय काठमाण्डौले सधैं शंकाको दृष्टिले हेर्ने मधेश नेपाली राष्ट्रियताको पहरेदारको रूपमा आमजनमानसमा स्थापित हुनु हो!वधाइ उपेन्द्र यादव र राजेन्द्र महतो!

सम्भावित मिस वर्ल्डको त ब्रह्माण्डै थर्काउने गरी चर्चा भयो! तर स्वर्ण पदक जितेर Mr World नै बनेका महेश्वर महर्जनको चाहिं कुनै चाइँचुइँ सुनिएन! सौन्दर्यवारे किन यस्तो लैंगिक विभेद!Beauty lies in the eyes of the beholder भनेको यही हो कि!Mr World महेश्वर महर्जनलाई वधाइ तथा शुभकामना!

Congratulation Sandeep Lamichhane for your first wicket in the IPL! We are proud of you!

Thank you, 1.1 million twitter followers! ट्विटरको माध्यमबाट जोडिनुभएका ११ लाख मित्रहरूलाई धन्यवाद । केही सिक्ने, बुझ्ने, सुन्ने र आफ्ना विचार/टिप्पणी सिधै यहाँहरूसम्म पुगोस् भन्ने हेतुले ट्विटरमा छु । यसलाई बहस, संवाद र सूचना आदानप्रदानको मर्यादित मञ्च बनाऔं ।

सुगौली-सन्धी अनुरुपको पश्चिमी सीमाना समेटेर पहिल्यै जारी हुनुपर्नै नक्सा ढिलै भएपनि जारीहुनु स्वागतयोग्य छ।विगतका कमिकमजोरीवारे समीक्षा पछि गरौंला!अहिलेको कामवारे जशलिने होडवाजी पनि नगरौं!आफ्नो भूमिमा अर्काले सडक बनाएको थाहा नपाउनेहरूको हैसियत संसारले बुझेकैछ!अब कोरोनावारे सोचौं!

मेरा जीवनका प्रेरक व्यक्तित्व: (क)अन्तर्राष्ट्रिय:१.गौतम बुद्ध (आत्मिक चिन्तन) २.कार्ल मार्क्स (समाज विज्ञान) ३.आल्बर्ट आइन्सटाइन (भौतिक विज्ञान) (ख)राष्ट्रिय:१.पृथ्वीनारायण शाह (रणनीति) २.बीपी कोइराला (आधुनिकता)३.पुष्पलाल श्रेष्ठ (सामाजिक न्याय)

कस्तो सुखद संयोग!अस्पतालमा आफ्नो स्वास्थ्य परीक्षणको प्रतिवेदन पर्खदैगर्दा मनचाहिं देशभित्र सर्वोच्चको फैसलातिर थियो! हिन्दू मिथकको भष्मासुरलाई बिष्णुले मोहिनी रूप धारण गरेर वध गरे झैं सर्वोच्च अदालतले नेपाली भष्मासुरको वध गरेर लोकतन्त्रको रक्षा गरेको खबर सुन्दा रोगै हराए झैं भो!

डा. खतिवडाको विदाइमा आँसु चुहाउने ठाउँ छैन।२/३निकट बहुमतको आडमा अर्थतन्त्रलाई गुणात्मक फड्को लगाउने अवसर उनले कनिका छरेरै विताए।विज्ञको रूपमा पाएको शंकाको लाभ पूरै खेर फाले।ओलीको निरंकुश,भ्रष्ट र गफाष्टक नेतृत्वमा यत्तिको अर्को अर्थमन्त्री आउने सम्भावना पनि छैन! न रुनु न हाँस्नु!

पानीजहाज चढेर कलकत्ता पुग्नुभन्दा पहिले बस चढेर नौबिसे पुग्ने व्यवस्था गर्नुपर्यो प्रमज्यू!अहिले विहानैदेखि नागढुंगाबाट नौबिसेसम्म पूरै जाम छ।घण्टौंसम्म यात्रीहरू अलपत्र छन्।कमसेकम रामकोटबाट धार्केसम्म वैकल्पिक बाटो बनाउन युद्धस्तरमा काम गर्न किन सकिन्न? अनि बल्ल पानीजहाज र रेल!

सम्पूर्ण देश एकढिक्का भएर केरोनाबिरूद्ध लड्नुपर्ने बेलामा पार्टी फुटाउने अध्यादेश जारी गर्नु ओली सरकार सुध्रनै नसक्ने गरी रसातलतिर भासिएको प्रमाण हो।जुनसुकै पार्टी फुटाउने लक्ष्य राखिएको भए पनि यो लोकतन्रविरूद्ध गम्भीर अपराध हो।देश थप संकटमा फस्दैछ!लोकतन्त्रका हत्यारादेखि सावधान!

कोरोना दिन दुइगुना रात चौगुनाले बढ्ने खतरा देखिदैछ!विदेशमा लाखौं श्रमिक अलपत्र छन्!सीमामा विना परीक्षण छोडिदैछ।मर्नेको सदगतको व्यवस्था छैन।सर्वत्र परीक्षण कीटको अभाव छ।मन्त्री नेताका घरघरमा नयाँ नक्सा बाँड्न व्यस्त छन्।अरिंगाल सेना विपक्षीहरूको हुर्मत लिन तल्लीन छ!देश कता जाँदैछ?

८जना पूर्व प्रम/उप्रम/मन्त्री तथा ६जना वहालवाला सांसद र दर्जनौं पत्रकार सहित देशको राजधानीमै अपहरण जस्तो सरकारवादी मुद्दाको जाहेरी दिन जाँदा प्रहरीले ठाडै म लिन्न जानेको गर भन्न सक्छ भने दूरदराजका गाउँमा निर्धानिमुखा जनताले कस्तो न्याय पाउलान्?मुद्दा ठीक वेठीक त पछि छुट्टिन्छ नि!

इतिहासमा पहिलोपटक मधेसी प्रम बन्ने सम्भावना बढेको बेला त्यसलाई लत्याएर पुरानै सत्ताधारीसंग मन्त्री माग्न तम्सिएका केही नेताबारे एक मधेसी मित्रले गरेको ठट्टा: एउटा भिखारीले चिट्ठा किनेछ।अर्कोले सोधेछ-एक करोड पाए के गर्छस्?-गाडी किन्छु!- गाडीले के गर्छस्?- गाडी चढेर माग्न जान्छु !!

बुढीगण्डकी,एनसेल,वाइडबडी,सुरक्षा प्रिन्टिंग,यति,ओम्नी लगायत सबै ठूला भ्रष्टाचार काण्डको छानवीन र दण्डसजाय गर्न अधिकारसम्पन्न जनलोकपाल गठन गरौं।सबै उच्च पदासीनहरूको सम्पत्ति छानवीन गरौं।म पूर्ण सहयोग गर्न र दोषी ठहरे दण्डित हुन तयार छु।जस्केलाबाट छिर्नेहरूले सत्ताको तुजुक नदेखाऊॅ!

Condolence र Congratulation को फरक नबुझ्ने परराष्ट्रका कर्मचारी! बलात्कार/हत्या भएकी किशोरीको शरीर सफागरेर प्रमाण नष्ट गर्नु थप अपराध हो भन्ने नबुझ्ने प्रहरी अफिसर!हाम्रो राज्यको स्तर यत्ति हो कि! कुनैconspiracy theoryहो कि! प्रमबाट एउटा उखान/टुक्का आउनुपर्यो!! अलि बुझिन्थ्यो कि!

मेरो प्रमकालमा नेपाल आफैंले निर्माण गर्ने प्रक्रिया अघि बढाएको राष्ट्रिय गौरवको बुढीगण्डकी परियोजना पछिल्ला सरकारले कमीसनखोरहरूको संलग्नतामा बदनाम विदेशी कम्पनीलाई दिएको र अहिलेसम्म अलपत्र पारेको विषयमा उच्चस्तरीय र निष्पक्ष छानवीनको माग गर्दछु।त्यसलाई सहयोग गर्न प्रतिबद्ध छु।

प्रम ओलीले सबैलाई चक्मा दिंदै संसद कोमामा पठाएपछि“अब के हुन्छ?”भन्ने प्रश्न सोधेको सुन्दा एउटा मूर्ख र ज्योतिषीको कथा सम्झना भैरहेछ! हातमा मुंग्रो लिएको मूर्खले ज्योतिषीलाई भनेछ-लौ भन,मैले तिम्रो टाउकोमा हान्छु कि खुट्टामा? क्या फसाद-टाउको भनौं खुट्टामा हान्छ,खुट्टा भनौं टाउकोमा!

महाकाली-सन्धीमा तत्कालीन एमाले र हाल नेकपाका नेता को कता थिए? को राष्ट्रवादी, को राष्ट्रघाती?

छट्टुुस्याल चील आयो भनेर कराउँथ्यो;गाउँले आकाशतिर हेर्न थालेपछि भूइँबाट कुखुरा चोरेर भाग्थ्यो!यताकाले राम यतै जन्मेका हुन भनेर चिच्याए,उताकाले बुद्ध उतै जन्मेका हुन् भनेर फर्काए।अब यो धर्म र राष्ट्रवादको ककटेलले केही महिना जनता लठ्ठिने भए।छट्टुु स्यालले के के चोर्ने हुन्!होशियार!

प्रचण्डजीले एमाले+माके=नेकपा लाई H2+O=Waterसंग तुलना गर्दै एकता कहिल्यै नटुट्ने कुरा गर्नुभएछ।हाम्रो पनि तथास्तु!तर हेक्का रहोस् गर्मीले पानी सुक्नसक्छ!त्यस्तै पानीमा विद्युतीय करेण्ट लगाए Electrolysisभएर हाइड्रोजन र अक्सिजन छुट्टिन सक्छ!कामना छ कुनै भित्री/बाहिरी करेन्ट नलागोस्!

Happy Birthday my dear Hisila ! We have had such an adeventurous and purposeful life together ! We will devote the remaining part of our life, too, together in pursuit of truth and justice ! Wish you many happy returns of the day !

भर्खरै राजीनामा दिएका फ्रान्सका प्रम एडवर्ड फिलिप एक नपाका मेयर निर्वाचित भएछन्!हामीकहाँ भए उनलाई बौलाएको भन्ने थिए!कस्तो संयोग-केही दिन पहिले मात्र म पनि केही साथीसंग यस्तै कुरा गर्दै थिएँ!आखिर प्रम मेयर बन्न किन नहुने?लोकतन्त्रको जरा भनेकै गापा/नपा हो!कुनै पद सानोठूलो हुन्न है!

अतिथि देवो भव:हामी नेपालीको संस्कार हो!२३बर्ष पछि हुनलागेको उत्तरी छिमेकी चीनका महामहिम राष्ट्रपतिXi Jinpingको भ्रमणको क्रममा कुनै अनादर झल्कने अभिव्यक्ति नदिऊँ!कसैले सामाजिक मिडियामा दिइहाले त्यसलाई शेयर नगरौं!सरकारसंगको असहमति हाम्रो आन्तरिक मामिला हो! Big Welcome President Xi!

देश गम्भीर संकटतिर जाँदैछ।लोकतान्त्रिक ढंगले संकटमोचन गर्न यसो गरौं:१.संसद अधिवेशन बोलाऊँ;२.KPOलाई विदा गरेर नेकपाभित्रैबाट नयाँPMचयन गरौं;३.अपराधका संरक्षक न्यायाधीशमाथि महाभियोग लगाऊँ;४.भ्रष्टाचार रोक्न शक्तिशाली लोकपाल गठनगरौं;५.प्रत्यक्ष निर्वाचित कार्यकारी राष्ट्रपतिमा जाऊँ!

खेल कसरी राष्ट्रिय गौरव र एकताको प्रतीक बन्न सक्छः अर्जेन्टिनाको विजय उत्सव हेरौं!

ओलीलाई आजै विदाइ गर्नुपर्ने प्रमुख कारण:१. कोरोना नियन्त्रणमा पूर्ण असफल रहेको;२.संविधान विपरित संसद बिघटन गरेर र २/३नजिकको बहुमत खेर फालेर देशलाई अस्थीरतामा धकेलेको;३.संवैधानिक अंग लगायत राज्यका सबै अंग कब्जा गरेर लोकतन्त्र धरापमा पारेको;४.खोप/औषधि खरिदमा समेत भ्रष्टाचार गरेको!

यक्ष प्रश्न-संविधान जारी हुॅदा दीपावली गर्ने र ब्ल्याकआउट गर्नेको घाॅटी कसरी जोडियो?अन्धराष्ट्रवादको नारा दिएर पहाडी मतदाता ठग्ने र क्षेत्रीयतावादका कुरा गरेर मधेसी मतदाता ठग्ने कसरी एकै ठाम? नाकाबन्दीका कट्टर समर्थक र विरोधीको सालनाल कहाॅ जोडिएको रहेछ? दुबैको मुकुण्डो उत्रिएन त?

सेटिंगमा रद्दी स्वास्थ्यसामाग्री किनेर करोडौंको भ्रष्टाचार गर्ने मन्त्री/कर्मचारी सम्झौता भंग गरेर चोखिने! सुरक्षाप्रेस खरिदमा अरबौंको कमिशन मोलतोल गर्ने मन्त्री राजीनामा दिएर चोखिने!ललितानिवास प्रकरणमा कमिसनको जग्गा छोडेपछि नेता/न्यायाधीश चोखिने!यही हो कँणहरूको नयाँ विधिशास्त्र?

समाजवादी पार्टी र राष्ट्रिय जनता पार्टी वीच ऐतिहासिक एकता सम्पन्न! नयाँ पार्टीको नाम “जनता समाजवादी पार्टी,नेपाल”( People’s Socialist Party,Nepal)!देशमा कम्युनिष्ट र कांग्रेसको विकल्पमा भरपर्दो अग्रगामी लोकतान्त्रिक शक्ति निर्माण! सबैलाई एकतावद्ध हुन आग्रह!

Congratulations and best wishes to PM Narendra Modi and the BJP for the spectacular victory in the Parliamentary elections in India. Wish that Nepal-India relations will flourish further in the days to come!

Congratulations Messi and Neymar! Congratulations Argentina and Brazil! Both of you have won! Football has won! Game spirit has won!!

कोरोनाभइरसको प्रकोप विश्वभरि फैलिरहेको र खुला सीमाना भएको भारतमा झन् तीब्र रूपमा फैलिरहेको स्थितिमा हामीले चाहिं स्कूल केही दिन/हप्ता बन्द गर्न किन हेलचक्र्याइँ गरेको हो?छोराछोरीको जीवन प्रमुख कि परीक्षा? परीक्षा केही हप्ता पर सार्दा कुन आकाश खस्छ?सत्ताधारी कमरेडहरूको ध्यान जाला?

जनता समाजवादीपार्टी देशको गम्भीर र जिम्मेवार पार्टी हो।यसका नेताकार्यकर्ता कसैले पनि देशको भौगोलिक अखण्डता,सार्वभौमिकता र राष्ट्रिय स्वाधीनतामा कुनै पनि प्रकारले आँच पुर्याउने कार्य गर्नुहुँदैन र गर्न सक्दैनन्।जो कसैले गरे पनि त्यस्ता कार्य दण्डनीय हुन्छन्।कसैलाई कुनै भ्रम नहोस्!

कथामा लाटोबुंगोले जे गर्नु भन्यो त्यो गर्दैनथ्यो र जे नगर्नु भन्यो त्यो गर्थ्यो!ओली सरकार त्यसैको अवतार जस्तो छ।आम नागरिक/मिडियाले हारेकालाई राष्ट्रियसभामा नलैजाऊ भने तिनलाई लाने भएछ तर लोडसेडिंग अन्त्य लगायत राम्रो काम गरेका कुलमानलाई पुनर्नियुक्ति गर भने त्यो चाहिं गरेनछ!SHAME!

बधाइ सन्तोष साह!फाइनल नजितेपनि तपाईॅले विविध नेपाली परिकारलाई अन्तर्राष्ट्रिय परिचय दिएर हिमाल/पहाड/मधेसका नेपालीको मनमष्तिष्क जितिसक्नुभएको छ।एउटा कुरा,हाम्रो संविधानले देशका सबै जाति/भाषा/संस्कृतिलाई’राष्ट्रिय’मानिसकेको छ!अत: हाम्रा दौरा/टोपी,धोती/गम्छा बराबर’राष्ट्रिय’हुन् है!

खाडीमा श्रमिक अलपत्र छन्;नेवानिको जहाज रित्तै फर्कन्छ;कोही जिम्मेवार हुन्न!सांसदको लोगो२कक्षाको बालकको स्केच जस्तो छापिन्छ;लाखौं चट् हुन्छ;कसैले जिम्मेवारी लिन्न!जिल्लाजिल्लामा जोखिमपूर्ण बस्ती बेलैमा नसार्दा पैरोले दर्जनौं ज्यान जान्छ;कोही जिम्मेवार हुन्न! तैपनि सरकार स्वस्थ रे!

देश हाँकिरहनुभएका दुवैजना पाइलटहरू स्वास्थ्योपचार र आरामकानिम्ति सपरिवार विदेशको समुद्री टापु र मरूभूमि जानलाग्नु भएछ!वहाँहरूको स्वास्थ्यलाभ र शुभआराम होस्! तर संसारकै प्राकृतिक रूपले सुन्दर नेपालमै अरबौं रूपियाँको भ्यूटावरको सट्टा सुविधासम्पन्न अस्पताल प्लस रिसोर्ट बनाउन सकिन्न?

नयाँ अर्थमन्त्रीले राष्ट्रियधन्धा बनेको पैसा खेलाएर पैसा कमाउने;जग्गा किनेर जग्गा बेच्ने;पैसाले सत्ता किन्ने,सत्ताले पैसा कमाउने;प्रवृत्तिलाई कडासंग रोक्दै 'उत्पादन बढाऊ,नाफा कमाऊ,कर बुझाऊ','भ्रष्ट र कमिसनखोर,बस सदरखोर','दुइ अंकको वृद्धिदर,दुइ दशक निरन्तर' नारा लागू गरे देश बन्छ!

शासकको दीर्घायूनिम्ति स्वस्तिवाचन गर्ने र दक्षिणा ग्रहणगर्नेलाई विद्वत्भाषामा पुरोहित र ग्राम्यभाषामा टपरे बाहुन भनिन्छ!तर कतैपनि र कहिल्यै पनि नागरिक अगुवा भनिन्न।नागरिक अगुवाले सधैं शासकलाई खबरदारी गर्छ चाकरी हैन!पवित्र नागरिक अगुवा पदावलीलाई नागरिक ह..वामा भ्रष्टीकरण नगरियोस्!

युवासंग आग्रह-गणतन्त्रको भात पाक्न ढिलो भयो भनेर राजतन्त्रको गोबर नखाऊॅ!अहिलेको आधा गिलास उपलब्धीलाई जोगाएर बाॅकीगिलास भरौं;नकि रिसको झोकमा आधा भरिएको गिलास घोप्टाएर पूरै गिलास खाली होस्!अगाडिको स्यालसंग लड्दा पछाडि झ्यांगमा लुकेको ब्वाॅसो नबिर्सौं!दुबैसॅग लडेर अघिजाने साहस गरौं!

नयाॅ राजनीतिक समीकरणको तर्फबाट संविधानको धारा ७६(२) बमोजिम प्रधानमन्त्रीकालागि राष्ट्रपति समक्ष सिफारिस हुनुभएका क.प्रचण्डलाई हार्दिक वधाइ! अतिले खति गर्छ भन्ने कांग्रेस नेतृत्वले बुझोस्!

देश चौतर्फी संकटमा फस्दैछ।कोरोना चर्किदैछ!अर्थतन्त्र थला पर्दैछ!विदेशबाट फर्केका र स्वदेशमै रहेका लाखौं वेरोजगार युवाको ताँती बढ्दैछ।स्कूलकलेज लथालिंग छन्।MCCको टुंगो छैन।नागरिकता बल्झिदैछ।सत्ताधारी दल गुटको जालोमा फसेको छ!प्रम उखानटुक्का/छेडखानीमा ब्यस्त छन्! संकटको निकास खोजौं!

आयातित तरकारी,फलफूल आदिमा विषादी परीक्षण नगरिनु राष्ट्रियताको कुरा मात्र हैन गम्भीर मानवताविरूद्ध अपराध हो।कसैको दबाबमा वा तयारी नपुगेर भन्नु हास्यास्पद हो।बरू केही दिन भोकै बस्न मिल्छ तर बिष खान/ख्वाउन मिल्दैन!२/३सरकारको निर्लज्जता र अपराधिक कार्यको सबैक्षेत्रबाट प्रतिरोध गरौं!

छोरी डा. प्रेरणा भट्टराई र डा. प्रवेश कार्कीको शुभविवाहको क्रममा परम्परागत ‘गोडधुवा’लाई ‘हातधुवा’ मा सुधार गर्ने कोशिश गरियो! सबैले यसो गरे कसो होला?

Happy Birthday to dear Hisila! You are an amazing lady a bit ahead of times. You have been unjustly vilified by some but history will vindicate you. As Voltaire said of his lover-'She understands Newton, she makes me happy', I say of you-she understands Marrx, she makes me happy!

अहिलेसम्मकै सम्भवत:सबभन्दा लामो सरकारी नीति/कार्यक्रममा निकै आत्मप्रशंसा,केही सपना र अतिधेरै इच्छा-सूची रापद्वारा वाचन गराइयो! प्रदेश/स्थानीय तहका कार्यक्रमसमेत संघबाट वाचन गरेर संघीयताको धज्जी उडाइयो।कसैले भनै झैं सबैथोक गर्छु भन्नु केही पनि नगर्नु हो!हामी कहिलेसम्म मूर्ख बन्ने?

बधाइ हिसिला! नयॅा किताब HISILA बल्ल आज हात पर्यो! मैले ४४ बर्षदेखि चिनेको रियल हिसिलालाई संसारले यो पुस्तकबाट चिन्नेछ! माओवादी आन्दोलनभित्रका अरूले नदेखेका र नभनेका कुरा यो किताबले भन्नेछ!

कोरोना भाइरसबारे जनचेतनाका लागि सानो पहलः मेरो ट्विटर नाम परिवर्तन गरेर (नियमित हात धोऔं / Wash your hands) राखेको छु । विज्ञका अनुसार नियमित हात धुनु संक्रमणबाट जोगिने प्रमुख उपाय हो ।

विचार अभिव्यक्तिकै कारण कसैलाई दण्डित गर्नु वेठीक हो।तर राष्ट्रिय-राज्य रहुन्जेल भौगोलिक अखण्डताको रक्षा गर्नु प्रत्येक नागरिक/पार्टीको कर्तव्य हुन्छ।झन् त्यस्तो संगीन विषयमा पार्टीको ह्विप विपरित जाने सांसद स्वत:दण्डको भागी हुन्छ।यहाँ क्षेत्र/लिंगको कुरा गर्नु सान्दर्भिक हुन्न।

अक्सरNetizensले यो भएन त्यो भएन,नेताहरू भ्रष्ट भए/सत्ताको दोहन गरे/आसेपासे पोसे,देश बनेन/विकास भएन आदि गनगन तिनै नेताहरूसंग गरेको देख्दा भन्न मन लाग्छ-कागतीको बोटमा सुन्तला कसरी फल्छ त?बोट पो नयाँ लाउनुपर्छ त?प्रत्यक्ष निर्वाचित राष्ट्रपति प्रणाली नभएसम्म यस्तै नेता पाइन्छ!सोचौं!

झण्डै ३ घन्टादेखि नागढुंगाबाट निकै तलसम्म भयंकर सडक जाम छ!हिसिला यमि सहित नयाँ शक्तिको हेडक्वार्टर टिम लगायत हजारौं यात्रु अलपत्र छन्!विरामी,वयोवृद्ध र वालवच्चाको के हाल होला!विचरा लोकल ट्राफिक प्रहरी निरीह छ!एउटा वैकल्पिक बाटो अस्थायी भए पनि किन बन्दैन?खालि रेल/पानी जहाजका सपना!

प्रम लगायत कतिपय बड़े नेताहरूले आफ्नो दृश्य तलब/भत्ता पूरै त्याग्ने घोषणा गर्नु राम्रो हो।त्यससंगै आफ्नो कुनै पैतृक सम्पत्ति,बचत र वैध कमाइ नहुनेहरू( कमसेकम संसद/सरकारलाई बुझाएको सम्पत्ति विवरणमा नदेखिने!)को विलासी रहनसहन र चुनावको खर्च कसरी चल्छ त्यो पनि बताउँदा राम्रो होला कि?

सबैतिर र विशेषत: शहरी क्षेत्रमा बढ्दै गएको वातावरणीय विनाशलाई रोक्न सबैले सधैं नसके पनि कमसेकम आफ्नो वा परिवारका सदस्यको जन्मदिनमा विरूवा रोप्ने संस्कार विकास गर्न सके राम्रो होला भन्ने सोंचका साथ काठमाण्डौ टोखा-३ मा केही एभोकार्डो र पिपलका विरूवा रोपियो!सबैले त्यसो गरे कसो होला?

देशको प्रमले पटकपटक यस्ता वेसुरका कुरा गर्दा हामी सुनेर बस्छौं वा प्रतिवाद गर्न डराउँछौं भने गरीबी, धामीझाँक्री र अन्धविश्वासको दुष्चक्रमा परेका जनताले किन उनलाई साँच्चैको डाक्टर वा अलौकिक पात्र नमानून्? अब सबैले साहस बटुलेर भन्नैपर्छ- प्रमको स्वास्थ्य ठीक छैन;छिटो विदा दिनैपर्छ!

भर्खरै विसं२०७६ विदा भएर२०७७शुरू भएको छ!२०७६लेCOVID-19मार्फत् विश्वका शक्तिशाली देशहरूलाई घुँडा टेकाएको छ भने नेपालमा कम्युनिष्ट खोल ओढेको आसेपासे पुँजीवादको फोहरी चेहरा उदांगो पारेको छ!७अंक जोडिएका बर्ष नेपालमा उथलपुथलकारी हुने गरेका छन्;डबल ७७महाउथलपुथलकारी हुनसक्छ;स्वागत गरौं!

जो अगुवा उही ह.. भएपछि देशले दु:ख पाउँदो रहेछ।गरीब देशका नेता/कर्मचारी मितव्ययी बनून् ,स्वदेशी बस्तु प्रयोग गरून् भनेर प्रम छँदा स्वदेशमै बनेको र सस्तो(रू१९लाख)गाडी मुस्तांग म्याक्स चढेको हुँ!तर उल्टै उल्लीबिल्ली गरियो र गिद्धले सिनो लुछे झैं राज्यलाई लुछ्न छोडिएन!परिणाम यी गाडी!

पूर्व प्रम को नाताले मैले समस्या मात्र उठाएर पानीमाथिको ओभानो बन्न मिल्दैन भन्नेमा सचेत छु।अत:तिनको समाधाननिम्ति मैले निरन्तर उठाएका यी चार कुरा पूरा गरौं-१.प्रत्यक्ष निर्वाचित राष्ट्रपति;२.पूर्ण समानुपातिक संसद;३.जनलोकपाल;४.चुनावी खर्च राज्यद्वारा।यो नमरेसम्म भनिरहन्छु!जो विचार!

एउटा विदेशी नियोगले नेपालको कुनै जाति विशेषलाई 'आरक्षण' नदिनू भन्ने अापत्तिजनक उर्दी जारी गरेको सुनियो! हामी नेपाली जनता स्वयम्ले बनाएको संविधानमा कतै 'आरक्षण' शब्द छैन; त्यहाँ 'समानुपातिक समावेसी प्रतिनिधित्व' मात्र छ; जुन विल्कुल सही छ! गुड र गोबर नचिन्नेले थुतुनो नचलाएकै वेश!

असली कुरो यो पो होला त! गजब छ बा !

“सबको औषधी दैवले रचिदियो बिर्सेछ कि मूर्खको”! भर्खरै आफ्नै कुकर्मले सत्ताच्यूत भएका ओलीको संसदमा कुरा सुन्दा र हाउभाउ हेर्दा स्कूलमा पढेको कवितांशको याद आयो! पटकपटक संविधानको उल्लंघन,संसदको हत्या,अध्यादेशको राज,भ्रष्टाचारको पहाड बारे न कुनै क्षमायाचना!उल्टै जो चोर उसको ठुलो स्वर!

एमाले कणहरूसंग जिज्ञासा:तपाईंहरू सबै जेठ ३ मा फर्केर एउटै चूलामा बाक्लो दालसहित भातभान्सा गरेमा त्यस यता ओलीले गरेका २/२पटकका संसद विघटन,संवैधानिक अंगहरूको अवैध कब्जा,यति/ओम्नी लगायतका अर्बौंको भ्रष्टाचार,साॅसद अपहरण,कोरोनापीडित लाखौंको विचल्ली,अक्षम्य राष्ट्रघात सबै माफ हुन्छन्?

पिठ्यॅुमा विरामी छोरो र खर्च जुटाउन काखीमा कुखुराको भाले च्यापेर उपचारको खोजीमा हिंडिरहेकी यी निरीह तर ममतामयी आमाको फोटो प्रधानमन्त्री,स्वास्थ्यमन्त्री र योजना आयोगको कार्यालयमा टॅागेर देशको स्वास्थ्य नीति तथा योजना/कार्यक्रम बनाए देशमा केही सुधार हुन्थ्यो कि?

देश कोरोनाले थिलथिलो भएको वेला प्रम पार्टी फुटाउने खेलमा लाग्ने;सत्ताधारी पार्टीको वैठक चुनाव हारेका नेतालाई जस्केलाबाट संसदमा लैजाने निर्णयमा थन्किने;अरू सबै केही भैहाल्छ कि भनेर पर्खने! यस्तैलाई त हो आइन्सटाइनले भनेको-पुरानै कुरा दोहोर्याउनु र फरक परिणामको आश गर्नु पागलपन हो!

भित्रभित्र राष्ट्रघात बाहिरबाहिर राष्ट्रवाद! माछा देखे भित्र हात,सर्प देखे बाहिर हात ! भित्र खाओवाद बाहिर माओवाद! नेपाली राजनीति जबसम्म यो पाखण्डी दुइजिभ्रे प्रवृत्तिबाट मुक्त हुॅदैन तबसम्म देश बन्दैबन्दैन।MCCजुन ढंगले गिजोलिदैछ त्यसको परिणाम गम्भीर हुनसक्छ! अति भए खति हुन्छ है!

भाइरस मार्ने बन्दुक र गोलीले हैन होला!अनि सरकारले किन चीनबाट स्वास्थ्यसामाग्री किन्न सेनालाई अघि सारेको होला? के वाणिज्य,आपूर्ति लगायतका निजामति निकाय छैनन्? जी-टू-जी विधिबाट पहिल्यै किन नल्याएको?के सेना अख्तियारको दायरामा पर्दैन भनेर हो?चोरको खुट्टा काट् भन्दा किन खुट्टा तानेको?

जसपा,नेका र नेकपाका शीर्ष नेताहरू नेका संसदीय दलको अफिसमा बसियो।प्रम केपी ओलीको संसद विघटन गर्ने कदम असंवैधानिक/अलोकतान्त्रिक/निरंकुश रहेको ठहर गरियो।यसकाविरूद्ध सबै प्रकारले संघर्ष गर्ने समझदारी गरियो।यो सरकार अब कुन पार्टीको हो नेकपाले छिटो स्पष्ट गरोस् भन्ने प्रश्न पनि गरियो!

यी स्थानीय जनप्रतिनिधिबाट सबैले सिकौं!सार्वजनिक शिक्षामा आमूल परिवर्तन नगरेसम्म समाज/देश बन्दैबन्दैन।त्यसनिम्ति माथिदेखि तलसम्म पहिले हाम्रो दृष्टिकोण बदलिनैपर्छ। गाउॅगाउॅबाट यस्तै भूइॅतहको जनजागरण अभियान सन्चालन गरौं! अबको क्रान्ति यसरी नै हुन्छ! सलाम!

जनयुद्ध र गणतन्त्रले के दियो?भन्नेहरूले देशको धरातलीय यथार्थको प्रतिनिधित्व गर्ने कर्णाली प्रदेशकी सांसद झोवा बि क लाई सुन्ने र आफैसंग मम भन्ने कि?

खसीको टाउको छिनाली सकेपछि पनि पुच्छर केही बेर फिटीफिटी गर्छ!ओलीको बहिर्गमनपछिको सडक तमासादेखि लुम्बिनी प्रदेशको जात्रासम्म हेर्दा त्यही पुष्टी हुन्छ! आफु कुर्सीमा नरहे आकाशै खस्छ भन्ने ओलीप्रवृत्ति हिट्लरी नाजीवाद/फासीवादसंग मिल्दोजुल्दो छ,जसले अन्त्यमा सपरिवार आत्महत्या गरेथ्यो!

नवनियुक्त प्रम ओलीको पहिलो महत्वपूर्ण नीतिगत घोषणा- प्रत्येक स्थानीय तहमा कमसेकम एक प्राविधिक शिक्षालयको स्थापना- विल्कुल सही छ!समृद्धिको आधार नै दक्ष जनशक्ति हो!तर यो घोषणा मात्र नहोस्!हाम्रो विगतको अनुभव सुखद छैन।त्यो परम्परा तोड्नोस् प्रमज्यू, हार्दिक शुभकामना !

कोरोनापीडित आमजनता र लकडाउन/भोकपीडित श्रमिकलाई औषघी,खाना र राहत सट्टा उल्टै पार्टी फुटाउने र संवैधानिक आयोग कब्जा गर्ने अध्यादेश ल्याएर लोकतन्त्रविरोधी विष पिलाउने ओली सरकारलाई अव विदा गर्नुको विकल्प छैन।दलीय घेराभन्दामाथि उठौं!ओलीतन्त्रको अन्त्य गरैौं! लोकतन्त्रको रक्षा गरौं!

आफ्नो नाममा कुनै देखल सम्पत्ति नराख्ने! वैधानिक तलवभत्ता नलिएर वाहवाही कमाउने!आसेपासेहरूका नाममा रातारात करोडौं/अरबौं सम्पत्ति जम्मा हुने! उनीहरूका विवादमा मध्यस्थता गर्ने!ऐय्यासी जीवन बिताउने!यही त हो क्रोनी क्यापिटालिज्म कणहरू! एक अर्कालाई ढाकछोप गरौं! नेपाली विशेषताको समाजवाद?

नो कमेन्ट !

१५ सय घुस खाने खरिदालाई पक्रने अख्तियारको खबर राष्ट्रिय मिडियामा पढेर मक्ख पर्ने! तर ३३( वा ६३?) अर्बको एनसेल,७-९अर्बको बुढीगण्डकी,४-६अर्बको वाइडबडी,कति कति अर्बका पप्पूहरूको भ्रष्टाचारबारे चाहिं कानमा तेल हालेर बस्ने! वा कोठामा गनगन गर्ने! धन्य हाम्रो अख्तियार!धन्य हामी नेपाली!!

हाम्रा गाउँको भैरे साहूको निमेक गर्ने जुठे कान्छो साँझ परेपछि जाँडखाएर तिघ्रा ठटाउँदै साहूलाई सराप्थ्यो।सबै कति शुरो भनेर उकास्थे!उता गैरे माइलो चुपचाप निमेक गर्थ्यो;छोराछोरी पढाउँथ्यो।सबै लाछी भन्थे।ऐले जुठेका सन्तान फुटपाथमा छन्!गैरेका सन्तान साहूको जमीनका मालिक छन्।कुरा बुझौं!

ओली कुशासनको धमिलो पानीमा माछा मार्न हौसिएका राजावादीहरूलाई प्रश्न: २४०बर्षसम्म राजतन्त्रले थुपारेको निरंकुशता,गरीबी,वेरोजगारी,भ्रष्टाचार,जातीय/क्षेत्रीय/लैंगिक विभेद,पराधीनताको फोहर १२बर्षमा गणतन्त्रले सोहोर्न भ्याएन भने सबै मिलेर छिटो फोहोर सफा गर्ने कि फोहोरको डुंगुरमा फर्कने?

एक आर्किटेक्टको अनुभूति:जिन्दगीभरको मेहनतले’संघीय लोकतान्त्रिक गणतन्त्र’को घर बनाइयो!सबै सन्तानलाई पुग्ने गरी कोठा थप्ने योजना थियो।केही कुपुत्र/कुपुत्रीले ठूलो कोठामा सुत्ने झगडामा घरमै आगो लगाइदिए!केही सन्तान आगो निभाउनु सट्टा खरानीकोलागि दौडिदैछन्।छिमेकी रमिते! ळौन आगो निभाऊॅ!

त्यसै त विश्व रंगमंचमा गुम्दैगएको नेपालको छवी ‘राष्ट्रबाद’को वैशाखी टेकेर सत्तामा पुगेका ‘कमाउरेड’हरूले एउटा धार्मिक एनजीओको लोभमा फसेर रसातलमै पुर्याउने भए!आर्थिक दरिद्रताको उपचार हुन्छ तर नैतिक दरिद्रताको कुनै उपचार हुन्न!२दिन सडक जाम जनताले सहलान् तर देशको यो अपमान सहन्नन् है!

पालुंगटार नपा-१ र सफल मल्टीपर्पोज कृषि फर्मको आयोजनामा पुर्ख्यौली थलोमा रमाइलो राष्ट्रिय धान दिवस मनाइयो!कृषिको आधुनिकीकरण र व्यवसायीकरणमा जोड दिउँ; स्वदेशमै रोजगार सिर्जना गरौं! कृषिमा आत्मनिर्भर बनौं!

अंग्रेजीमा एउटा भनाइ छ-‘ You should not only be good, you should appear to be good.’ जुनसुकै कारणले होस् सरकारले नाटकीय ढंगले कान्तिपुर प्रकाशन गृहका अध्यक्ष कैलाश सिरोहियालाई गिरफ्तार गर्नु राम्रो देखिएन। झन् बिडम्बनाको कुरा त के भने माओवादी जनयुद्धको वेला २०५८ जेठमा दरबार हत्याकाण्ड सम्बन्धी मेरो लेख छापे बापत् तत्कालीन राजा ज्ञानेन्द्रको सरकारले सिरोहिया लगायतका कान्तिपुरकर्मीहरूलाई यसरी नै गिरफ्तार गर्दा हाम्रा तत्कालीन सुप्रिम कमाण्डर प्रचणड लगायत हामीले त्यसको तीब्र विरोध गरेका थियौं! आज उनै प्रचण्ड ज्ञानेन्द्रको ठाउॅमा हुॅदा उनले नै ज्ञानेन्द्रपथ अनुसरण गरेको देख्दा म अत्यन्त लज्जित छु!

उहिले राजतन्त्रात्मक संसदीय व्यवस्था छॅदा भूमिगत माओवादीको खुला मोर्चा ‘संयुक्त जनमोर्चा’ को तर्फबाट हामी सो व्यवस्थालाई सार्वजनिक भण्डाफेर गर्दै भन्थ्यौं- ‘संसदीय व्यवस्था भनेको खसीको टाउको देखाएर कुकुरको मासु बेच्ने पसल हो’। अहिले त्यत्रो वलिदानीपूर्ण संघर्ष पछि आफैले संविधानसभा मार्फत संस्थागत गरेको पुरानो संसदीय व्यवस्थाभन्दा माथि उठेको मिश्रित प्रकृतिको प्रतिनिधिसभा र प्रदेशसभाहरूमा जनयुद्धका सर्वोच्च कमाण्डरले नै सरकारको नेतृत्व गरेको वेला भैरहेको सांसद किनवेच, धाकधम्की, पार्टी टुटफुट, संविधान र कानूनको अपव्याख्या र बलात्कार आदि नांगो नाच देख्दा सेतै दाह्रीवाला बुढा मार्क्सले आज आफ्नो जन्मदिन ( मे ५ ) मा ब्रह्माण्डको कुनै कुनाबाट के भनिरहेका होलान् ? Happy Birthday Karl Marx !