Get live statistics and analysis of محمود سعد's profile on X / Twitter

اذا كان في ضرورة لقطع الكهرباء فياريت بس يعلنوا مواعيد تخفيف الأحمال في كل شارع وكل حي.. مش صعبة! خشية مشاكل من نوعية الحبس في المصاعد.. الأجهزة الطبية اللي الناس بتستخدمها في البيوت.. وغيرها حاجات كتير.. ارجوك يا د. شاكر!

ماكنتش اعرف إن باب الخلق له هذه القيمة الا لما قرأت ردود الفعل بعد توقف البرنامج.. واذا كان فيه قيمة للبرنامج فهي قيمة الناس اللي في الشارع اللي شرفوني وفتحوا قلوبهم.. محبة كبيرة لهم ولكم..

يا ابني الحبيب الغالي.. سوف أتكلم عنك وأحكي.. ولكن الآن وانت تغادر إلى الضوء كما قلت.. أذكر الكل أن هذا الجميل الذي رحل كان شعاره: الفقراء أولا…… تذكروا! رحل محمد أبو الغيط صغيرا.. لكنه كان كبير الهمة والعطاء

في كربلاء.. أمام مسجد سيدنا الحسين.. أكلنا أحلى حلويات عراقية

انا أساند منى زكي.. ولما يكون عندكم استعداد تسمعوا ليه هابقى احكي.. هو وسط الضجيج حد بيسمع حد؟

الليلة #عمرو_أديب راجع بعد غياب شهور أنا أحبه وأقدره ، بتمنى له كل التوفيق،وكل التألق دائما #باب_الخلق

قالوا إنه السائق كان موقوف 6 شهور عشان المخدرات، وبعدها رجع؟ لازم يكون فيه عقاب صارم مكنش المفروض يرجع يشتغل في هذا المكان، مفيش متابعة صحية، يعني سائق القطار لو عنده سكر وجات له كومة إيه اللي ممكن يحصل؟كمان هو لازم يكون مدرب والمساعد مدرب على مواجهة الكوارث. مفيش متابعة لأي شيء

⭕ محمود سعد: #تيران_وصنافير_مصرية قطعا والله المستعان

الهجوم على محمد الحلو مش موضوعي.. والحقيقة أنا متضامن معاه.. وازيدكم من الشعر بيت.. عمار يا اسكندرية وعمار يا سعودية وعمار يا تونس وعمار يا سودان وعمار يا عمان وعمار يا لينان وعمار يا كل الدول العربية.. نحن أمة واحدة تجمع الأوطان العربية!

سئل الإمام على بن أبي طالب: ما أشد جنود الله؟ الجبال الرواسي؟ الجبال يقطعها الحديد، فهو الحديد؟ الحديد يذيبه النار، والنار تطفئها الماء،والسحاب يحمل الماء والريح يقطع السحاب وابن آدم يغلب الريح والسُكريغلب ابن آدم ، والنوم يهزم السكر والهم يهزم النوم ..فأشد جنود الله هو الهم

واغتالوا شيرين ابوعاقلة.. استشهدت شيرين ابو عاقلة.. وهنقعد نتكلم يوم اتنين تلاتة.. وبس.. وانا زيكم باتكلم بس!

أتمنى الشفاء العاجل للزميل العزيز شريف مدكور، أنا بحبه جداً هو رجل طيب،نقي، شاطر، لا يلتفت للي بيهاجموه وإذا التفت يرد بمنهى الأدب الناس احترمته وحبته، واعتبرته من أفراد الأسرة العربية. دمث دؤوب في شغله وحريص إنه يقدم الأفضل، طول الوقت لا أسمع عنه إلا كل كلمة طيبة

مساء الخير.. في موضوع عايزين ناخد رأيكم فيه.. إحنا لما بنعمل أي لقاء لازم بنشيل منه أجزاء علشان وقت الحلقة.. وطبعا عملنا كدة مع لقاء الدكتور مشالي.. فاذا كنتوا تحبوا ممكن ننزلكم هنا الاجزاء اللي حذفناها من اللقاء.. قولولنا رأيكم

مع السلامة يا نسمة الحرية وابتسامة المحبة.. سلام إلى روحك الشجاعة.. مش عارف يا عم چورچ أنا قلتلك ولا لأ؟ أنا باحبك جدا.. وداعا چورچ اسحق..

لما تطلع فوق، وانت طالع عامل الناس في سكتك كويس،، عشان هتحتاج لهم وانت نازل.. لأنك هتنزل هتنزل .. الأيام بتلف وتدور زي النحلة (يوم تجد كل نفس ما عملت من خير محضرا، وما عملت من سوء تود لو أن بينها وبينه أمد بعيدا، ويحذركم الله نفسه) هذه الأية موجودة بنفس المعنى في كل الديانات.

حسن كامي، كان إنسان خاص، جدته كانت من أحفاد محمد علي، درس المحاماة، لأن الزعماء وأبناء الطبقات العليا بيدرسوا حقوق لكن الفن أخد حسن كامي، وهو من نجوم الغناء الأوبرالي على مستوى العالم وأخد جوايز كتير، كان شخص جميل وودود، كانت ابتسامته لا تغيب، وحضوره أيضاً، كان صادق وطيب القلب

كانت مع ثورة يوليو، بعد شوية لقت الدنيا مش تمام، وفي قعدة خاصة هاجمت الثورة وقالت جملتها الشهيرة "شالوا فاروق وجابوا 12 فاروق صغير" واتسجنت أكثر من ثلاثة شهور. لم ترجع أبدا في كلامها. #باب_الخلق

د. حسام موافي: الرسول قال حديث قمة العلم بسبب مرض الضغط، قبل 1400 سنة "إذا أقيمت الصلاة فلا تأتوها وأنتم تسعون، وأتوها وأنتم تمشون، وعليكم السكينة فما أدركتم فصلوا ، وما فاتكم فأتموا" لأن وانت بتجري الضغط بيعلى، ولو ركعت ممكن يحصل نزيف في المخ. #باب_الخلق

مش قادر أقولكم عمل فيا إيه الراجل اللى سرق لبنته طقم عشان المدرسة و صاحب المعرض الجبار اللى وداه القسم، عمل فيكوا ايه الراجل ده ؟؟ .. و تحية للظابط الهمام اللى مشى الراجل و فيه حد كان من اللى اتجمعوا ساعة الواقعة دفع عن الراجل ثمن الطقم #باب_الخلق

علي الحجار أعرفه من سنة 84، عمر طويل عشناه سوياُ حتى الأن، علي الحجار ده قطعة مسك، حالة نقاء، ميقدرش يزعل حد، عشت معه 35 سنة، حضرت معه معظم أغانيه ممكن أقعد ساعات طويلة أتكلم عنه، طول الوقت بيدور على حاجة حلوة يقولهالك، بيغني لك، نموذج لأن يكون قدوة. قدوة في حبه لشيء وأخلص له.

الدكتور محمد مشالي "ملاك طنطا"شخصية فريدة إلى آخر الحدود، في عيادته من الصباح حتى المساء ولا يوم أجازة حتى الأعياد.يعشق القراءة فقط وهي متعته الوحيدة. أنا متعاطف مع الفقراء والمطحونين، لازم أخد بالي منهم.. لو محدش عطف أسيبهم يموتوا من الوجع يعني؟وسعيد ومسبوط ولدي لياقة بدية عالية

ما يحدث في السعودية ميفرحش حد، موقف دقيق، نتمنى للشعب السعودي دائما السلامة، لا نسعد أبدا إن الشعب يكون عنده مشكلة إطلاقاً .. إحنا والله شعب واحد يضرنا ما يضره، جيناتنا واحدة نتضامن مع الشعب السعودي في عبور هذه الأزمة الدقيقة، صحيح كلنا بنغلط لكن لازم نصلح أخطائنا #باب_الخلق

السيد وزير التعليم من حقنا نعلق على قرار سيادتك، وانت بدورك لازم تسمع ومش صح إنه يطلع يهدد. مش من حق المسؤوول يرفض أراء الأهالي زهقنا القرارات الفوقية، واحنا ما علينا إلا اننا ننفذ أليس من حقي كأب أن أتكلم ؟ من حقي أن اتكلم وأن يستمع المسؤول وهما لازم يسمعوا عشان بيخدموا الشعب

النهاردة إن شاء الله حلقة جديدة من باب الخلق .. ولكل اللي طلبوا أغنية تتر البرنامج: (خلق الله) كاملة غناء: علي الحجار كلمات: عبد العزيز عمار الحان: هيثم توفيق توزيع: غندور حسين

النهاردة الجمعة، بنفكركم كالعادة اسأل على أهلك، خلي بالك من قرايبك زورهم أو كلمهم في التليفون، عشان المحبة تدوم، والدفا يفضل موجود #باب_الخلق

المفروض الضريبة العقارية اللي بيجمعوها الأيام، الأموال التي يتم تحصيلها، تذهب مباشرة للحي التابع له، تطور المدارس، والمستشفيات والشوارع، وتبقى دي النهضة الحقيقة. رؤساء الأحياء لازم يبقوا من أهلها عشان يبقوا عارفين مشاكلها وعارفين الناس اللي فيها، والحكومة كمان تبقى عارفاهم.

وأنا مروح على بيتي في وسط البلد بحس إني في معركة عشان أوصل، محدش ماشي على الخط بتاعه ولا في طريقه أكبر إساءة لأي مدينة عدم وجود التحضر، الكبار اللي علمونا، بيقولوا لما تدخل مدينة، تشوف 3 حاجات مهمة النظام، النطافة، الفن تعرف إذا كانت المدينة دي متحضرة ولا بعيدة عن الدنيا.

رسالة السيدة نفيسة لحاكم مصر.. آل البيت يعلمونا العزة، العبادة ليست صلاة وصوم مرأة لا تملك شيء غير الكرامة والعزة. " سهام الأسحار نفاذة غير مخطئة لا سيّما من قلوب أوجعتموها، وأكباد جوعتموها، وأجساد عريتموها"

#جميل_راتب دعم ثورة يناير ونزل ميدان التحرير وكان يرى أن التظاهر السلمي حق لكل مواطن وكان بيقول مفيش تقدم لدولة إلا بالرأي والرأي والأخر شخصية أبوالغار كانت لايقة علىه في "الراية البيضاء" وده كان ذكاء من أنور عكاشة لأنه فيه من شخصية أبو الغار، كان فاهم الدنيا وعايزها تبقى أفضل.

أنعي الإذاعية، نادية صالح، البقاء لله، ربنا يصبر أهلها ومحبيها، في أحد المرات، كلمتني وطلبت إنها تسجل معايا، حسيت إني أخدت جايزة نوبل، معقولة أنا طلع معاها في برنامج زيارة لمكتبة فلان،اللي سجلت فيه مع العقاد ونجيب محفوظ وغيرهم من العملاقة. كانت تقدم الثقافة السمعية لملايين العرب

كالعادة بنفكركم كل جمعة ارفع سماعة التلفون اسأل عن أهلك، خللي بالك من قرايبك، اعمل حاجة طيبة في هذا اليوم الطيب. #باب_الخلق

الواحد وهو بيشتغل بيسأل نفسه، يا ترى بيقدم حاجة أو بيعمل حاجة مهمة؟ كل ما كانت الحاجات صادقة وخارجة من القلب، بتوصل لقلوب الناس إحنا بنتقرب من سنة بنشتغل في #باب_الخلق قدمت شخصيات سعدت وشرفت إني قابلتها، هل يا ترى فيه حاجة فيه حاجة قدمناها لمست قلوب الناس؟

البقاء لله.. أنعي أخي وصديقي وائل الإبراشي.. تغمده الله بواسع رحمته والهمنا جميعا الصبر والسلوان

هناك هشتاج، #ادعم_الطبيب_محمد_صلاح منتشر من يومين والناس بعتت لنا كتير، نرجوا من القائمين عليه يبعتوا لنا التفاصيل، إذا كان في مستشفى، أرجوكم اكتبوا اسم المستشفى، عشان نقول للناس تروح وتدعمه،أو المكان الموجود فيه عشان الناس تقدر تقدم مساعدتها.

هنفضل لغايةأمتى فيه ناس فوق و ناس تحت، مع إن الناس الي فوق مايقدروش يعيشوا من غيرالناس اللي تحت، لكن الناس الي تحت يقدروا يعيشوا جداً من غير الناس الي فوق #باب_الخلق

وسط الظرف الصعبة.. بتلاقي البهجة في ايه؟

في عهد الرئيس حسني مبارك، الناس اللي بتحب تزوق الحاجات، عملوا الحرب إنها عبارة عن ضربة جوية، وأنه هو البطل الوحيد بها، هو كان بطل كبير في الحرب، و عمل مجهود كبير في تطوير القوات الجوية و لا ننكر دوره في الحرب. لكن لم يكن البطل الوحيد بها. #نصر_أكتوبر

الدكتور حسام موافي: نصيحة في الأكل ابدأ بما بدأ به الله،،كل الفاكهة قبل الأكل، "وفاكهة مما يتخيرون ولحم طير مما يشتهون" كما أن كل ما خرج من الأرض صحي الخضروات والفاكهة، كل ما مشي على الأرض غير صحي، لكن بدرجات أسوأهم لحم الضأن وأحسنهم السمك. #باب_الخلق

برحيلة.. نفتقد رجل صاحب همة و مواقف شجاعة و استاذ بكل معنى الكلمة لكن يعزينا ان الرجال قد ترحل لكن ما قدموه باق.. شجاعة و حكمة و علم حمدي قنديل اشياء لا تموت ابدا.. انا لله و انا اليه راجعون

كل سنة وانتم بخير وصحة وسعادة.. عيد سعيد عليكم جميعا

جالنا تعليق بيقول، إنه إحنا مش بنصور غير الفقراء في أسيوط، إحنا مش بنصور الفقراء عشان هما فقراء، لكن عشان هما ناس بتكافح وتشتغل عشان تعيش وتربي أولادها وتعلمهم، الفقر مش عيب، الاحتياج هو اللي متعب ناس ظروفهم الاقتصادية ضعيفة، ومع ذلك بيشتغلوا وعندهم عزة وكرامة، محدش طلب مساعدة

كل البيوت مظلمة حتى تستيقظ الأم. كل سنة وانتو طيبين، وكل ست وأم طيبة. #باب_الخلق

أقسم بالله العظيم، زياراتي للناس في الشارع، بتعلمني من أول وجديد، أعيد ترتيب أولوياتي من جديد #باب_الخلق

كل سنة وانتم طيبين.. رمضان كريم.. باب الخلق هيكون أجازة في رمضان ان شاء الله زي ما قلنالكم و نتقابل بعد العيد.. ياريت تساعدونا بأفكاركم واقتراحتكم.. تحبوا تشوفوا ايه في البرنامج بعد الاجازة؟

بناء على طلبكم .. الأجزاء المحذوفة من لقاء الدكتور #محمد_مشالي #ملاك_طنطا

صباح الخير من ارض البنفسج..

وفقدنا فنان كبير وقدير وعزيز وانسان رائع كله محبة ورقي.. أشرف عبد العقور تعرفونه كفنان قدير.. وأعرفه كفنان قدير وانسان أيضا.. والإنسان كان جميلا بقدر الفنان.. عزاء لمحبيه ولزوجته الغالية وإبنة وابنته العزيزة ريهام

أنا بشكر كل، متابعي البرنامج، باب الخلق هو الناس، نذكر كل شوية، بنقدم لكم مش عشان نفرجكم، وهو هدف في حد ذاته لكن عشان قلبك يحن، لما تشوفهم تفكر إن كل واحد من دول عنده قصة كفاح وشقا وتعب سنين #باب_الخلق

السيلفي المجنون 😂

الدولة دلوقتي بتفكر تشيل الطفل التالت من بطاقة التموين. هو مش عايز البطاقة بتاعتك، هيشغلهم. بتقوله التالت مش هندفعلك حاجة، هو مش عايز منك حاجة على فكرة .. الطفل من سن 7 سنين هيطلع يشتغل!! #باب_الخلق

ناس كتير ممكن يكون مش عاجبها بعض تقارير البرنامج ويقولوا إحنا مالنا بالمشاكل دي، إحنا مش بنعرض مشاكل للناس، لكن بطولات، الناس بتكافح كفاح مرير في الحياة، مش بنطلب منك تساعد حد بعينه، حولك كتير نماذج مشابهه، بص تحتك وانت تلاقي كتير. #باب_الخلق

محمد يونس القاضي شاعر صعيدي من أسيوط، هو اللي ألف النشيد الوطني المصري وهو عنده 19 سنة، نردده حتى الآن لكن محدش يعرف عن صاحبه أي معلومة #باب_الخلق

أسوأ حاجة إنك تعيش حياتك زي ما انت عايز، من غير ما تاخد بالك من الناس وتدوس عليهم كأنهم نمل، فتأكد إنهم هياكلوا جزمتك في يوم من الأيام. #باب_الخلق

واضح ان انا هابقى محمود سعد بتاع الشلولو😄 اتفرجوا على حلقة النهاردة علشان عايز رأيكم في حاجة مهمة جدا..

لك أن تتخيل أنني أسير على أرض كانت بحر عمرها 250 مليون سنة، الحيتان الموجودة فيها 40 مليون سنة حسب الأبحاث والتقديرات، الإنسان منذ خلق آدم لم يكمل 10 الآف عام فقط، مصر كانت موجودة منذ بدء الأرض وكان فيها حياة كمان. #باب_الخلق #وادي_الحيتان

في موضوع عايزين نناقشه مع بعض في باب الخلق.. ليه الناس بتتابع أخبار النميمة اكتر من الموضوعات المفيدة واللي ليها معنى؟ شاركونا بآرائكم ونتناقش مع بعض.. #باب_الخلق

من كواليس تصوير برنامج Sold Out مع صاحبي وحبيبي كريم عبد العزيز

الأوطان لا تنزع الرحم، لا تصاب بسرطان، قد تُجهض أحلامها، لكنها تلد من جديد. #باب_الخلق

مين اللي اكتشف الثقب الأسود؟ أصحاب القرأن؟ .. لا قاعدين نستناهم لما يكشتفوا وبعدين نقولهم أصل ده عندنا من زمان؟ الدول الإسلامية، شوفهم في ترتيب الدول المتقدمة، هتصاب بحسرة كبيرة، مع إننا عندنا كل الإمكانيات. لما هو القرأن عندك عملت به إيه؟ #باب_الخلق

لما تكون ماشي وتلاقي الستات الفلاحات واللي لبسهم مختلف عنك، تعرف إن دي مش ست دي رحلة كفاح لازم تحترمها وتقدرها ولما تتكلم معاها تتكلم باحترام زيها زي الدكتور والمهندس متقلش عنهم وإن كانت تزيد، يمكن أهلنا علمونا وطلعنا كدا، إنما هي من الشارع إلى الشارع تكافح وتطور نفسها أخلاقياً

محمود سعد: رجعتلكم عشان نعالج همومنا سوا ونوازن الأمور

#محمود_سعد: هافضل أقول لغاية ما أخلص شغل أو اتكل على الله .. التعليم .. العدالة .. الحرية .. دى اللى بتصنع المجتمعات

نزار قباني كتب قصيدة شديدة بعد نكسة يونيو، فمنعوا أغانيه من الإذاعة وهجوم شديد عليه في الصحافة. فأرسل لعبدالناصر خطابا كان أوله "إذا كانت صرختي حادة، فلأنها بحجم الطعنة" فأصدر عبدالناصر بعدها قرار بإذاعة أغانيه ووقف الهجوم عليه وبعدها غنت أم كلثوم بعدها "أصبح عندي الآن بندقية"

هذا الصبي الصعيدي الشجعاع .. لازم أقول إنه الله يكون في عونك سوهاج أكبر محافظة طاردة في مصر وضعها تحت الصفر، الصعيد مليان مشاكل جمه.. اللي عنده فكرة عن الحياة في مصر ، هيعرف مشاكل سوهاج قد إيه. #باب_الخلق

الدنيا تغيرت تماماً، في حادثة محطة مصر، لو كانت من ١٠ سنين، كنا هنشوف صور في الجرايد اللي الحكومة بس عايزة تذيعها، اللي خلى قلب الناس يوجعها إن كل شيء على الهواء.

انعي إلى كل الوطن العربي حبيبة الكل سهير البابلي.. كان لي شرف معرفتها على المستوى الشخصي.. فنانة جميلة وانسانة اجمل.. رحمها الله رحمة واسعة واسكنها فسيح جناته

الكرة فيها غالب ومغلوب، الأهلي اتغلب إمبارح يارب يسترد عافيته، والزمالك ماشي كويس اليومين دول ،صحيح أنتو عارفين أنا بشجع الأهلي، لكن بهنئ الزملكوية بفوز اليوم عشان اللعب والفن والهندسة. #باب_الخلق

عنق الزجاجة مصطلح أول ما سمعناه، كان في عهد الرئيس السادات، ولسه لحد النهاردة عايشين فيها، لازم وإحنا بنقول للناس استحملوا، نراعي الناس اللي سمعوها كتير. #باب_الخلق

شم النسيم، هناك وثيقة موجودة بتقول إن المصري القديم كان بيحتفل بشم النسيم، من 4000 آلاف سنة، أقدم عيد عرفته البشرية وهو مسجل رسمياً #باب_الخلق

خلينا نبسط الأشياء، بلاش التعصب ولا الحدة، رجل يذهب إلى مسجد، أو إلى كنيسة.. إيه اللي يضايقك؟ لست تعلم ممن يتقبل الله! ليس لك من الأمر شيء، إن أنت إلا نذير! ربنا قال بلغ بس. #باب_الخلق

#اخر_النهار| اربعون عاما علي رحيل فريد الأطرش ..انتظرونا و سهرة غنائيه خاصه مع النجم الشاب محمود محيي

د.حسام موافي: كنت أدرس في كتاب قعدت فترة طويلة أراجعه عشان أفهمه، وفي مرة كنت أصلي المغرب، الإمام لخص الكتاب في أربعة كلمات "وأنزلنا من السماء ماء فأسقيناكموه وما أنتم له بخازنين".زي "وجعلنا من الماء كل شيء حي" لكن خروج الماء من الجسم نعمة كبيرة، وهو إعجاز علمي في القرآن الكريم

عم طلبة .. عمره 88 سنة يرفض المساعدة ويصر على العمل.. لما سألناه مش محتاج مساعدة، قال اعطوا المساعدة للمستشفيات، أنا جبت الكفن وعلقته. #باب_الخلق

لم استدعي مع وفاة جميل راتب، إلا شخصيته في مسلسل "الراية البيضاء" كأن أسامة أنور عكاشة بيقول الشخصية دي لازم تكون موجودة، الفلوس مش كل حاجة والحياة فيها حاجات أجمل بكتير والتمسك بالأشياء .. ، أسامة أنور عكاشة في غاية الذكاء لما اختاره في الراية البيضا" #باب_الخلق

في خطبة الجمعة النهاردة إمام المسجد قال ياريت تختموا القراءة أكتر من مرة .. زمان وأنا صغير كانت الناس تتبارى في قرأة القرآن، لكن لما الواحد يكبر ويتأمل بعمق شوية.القرأن منزلش عشان كدا، نزل عشان نتدبره، نزل عشان التشريع، وآيات تكسر قلبك من جمالها، #باب_الخلق

اللي عايز يعرف احوال الناس، في مصر الناس أنواع، وطبقات،، فيه طبقة منهم طارت.. الله يسهلهم لو عايز تعرف بجد أحوال الناس، انزل الأحياء اللي ساكن فيها الناس.. الملايين في الصعيد وفي بحري، وفي الأحياء الشعبية في القاهرة..هما دول الناس اسمع منهم عن أحوالهم .. الموضوع مش تقارير وأرقام

الدكتور حسام موافي: أي حد عنده انتفاخ في بطنه، لازم ياخد الأمور بجدية، جايز مدخن، أو بيشرب مياة غازية كتير، وجاير عنده تليف كبد، أو أمراض باطنية أخرى. #باب_الخلق

فيه ناس زي الهواء متقدرش تستغى عنهم، وناس زي الدواء تحتاج لهم فترة معينة، وناس زي الداء قلتهم أحسن. #باب_الخلق

كان نفسي من زمان أطلع مدرس تاريخ، الموهبة دي ظهرت بعد 64 سنة، عشان كدا بحب أعمل الفقرات التاريخية. وساعدونا واقترحوا علينا #باب_الخلق

قريبا في باب الخلق.. أرض الانبياء.. هنا ولدت السيدة هاجر وفي هذه القرية التقى سيدنا يعقوب و سيدنا يوسف.. وفي هذا النهر رمت أم موسى وليدها وهنا اقام السيد المسيح والسيدة مريم أثناء رحلتهم المقدسة.. ومن هنا مر آل بيت رسول الله وهنا استشهد ٤٠ من صحابته.. بلبيس.. أرض الأنبياء

المصافحة بعد الصلاة حاجة جميلة، معرفش ليه مبقتش موجودة، فيه حد طلع فتوى انها حرام، لكن هي بتعمل حالة ود ومحبة بين الناس والجيران. #باب_الخلق

عيادته نظيفه وزي الفل، هي قديمة فتحها سنة 75 ولم يقم بتجديدها .. من دواعي وسروري وفخري إني قدمت هذا الرجل، تقديم هذا الدكتور في باب الخلق شرف كبير #باب_الخلق

الحياة مليئة بالصعود والنزول، هتفضل تطلع لحد لحظة معينة، وفي الأخر هتنزل، الأية "اليوم أكملت لكم دينكم" لما سمعها أبوبكر الصديق بكى، لأن الاكتمال مقترن بالنقصان، هو النبي شخصياً، هي الحياة كدأ اطلع زي ما انت عايز، بس خللي بالك من لحظة نزولك. #باب_الخلق

لما الحياة بتضيق ، لا هيلطع لك فنان كبير ولا كاتب .. مش هيطلع لك غير عفاريت تخوفك بالليل. #باب_الخلق

نتمنى لكم صوم جميل، أيام مودة ورحمة وتلاقي وقتل الخصام. الأيام الوحيدة في السنة، مؤكد كله بيقعد سوا على السفرة عكس باقي أيام السنة، ولهذا معاني عظيمة .. ربنا يحنن قلوب الجميع.. اللي مزعل أمه يصالحها، واللي مزعل أبوه يصالحه. #باب_الخلق

زمان مكنش حد يقدر يتناقش ولا يتكلم .. دلوقتي الزمن اختلف، تعالوا نتكلم وكل واحد يقول رأيه في عبدالناصر .. ليه الناس كانت ومازالت بتحبه، وليه ناس آخرين شايفين العكس، دعوة للمناقشة.. من الليلة لحد يوم الأحد القادم، فترة حكم عبدالناصر كيف تراها ضد أو مع . #باب_الخلق