Get live statistics and analysis of Ahmad El Esseily's profile on X / Twitter

ربنا يرحمه ويرحم الجميع، حاسس انه واجب عليا أقول؛ ان كل الناس المساجين والمعتقلين دول، إخواني بقه إرهابي داعشي شيطاني قتّال قتلا أيا كان؛ الكلام اللي بنسمعه عن معاملة أي حد مسجون بالعزل بالسنين وحرمانه من الزيارة والعلاج والكلام مع الناس، وإن كان مذنب، ظلم ما بعده ظلم. الله قريب.

إلى نواب البرلمان المصري، من غير رغي في المتعاد ألف مرة؛ ده نداء لحضراتكو انكو تحترموا المكان اللي انتو فيه، أو تحترموا الناس اللي ماتوا، أو الناس اللي عايشين، أو تحترموا مصر أو التاريخ أو الأمانة أو المسئولية، أو أنفسكم! احترموا أي حاجة وماتعملوش المصيبة اللي قالولكو تعملوها دي!

بصوا بقه لازم نتفق على حاجة نبقى كلنا عارفينها؛ لو قفشت نفسك في أي لحظة، في أي ظرف، متلذذ ومستمتع ومتسلّي بألم ومعاناة أي حد في الدنيا، عشان بتعتبره عدوك. تبقى انت مريض في نفسك وفي قلبك وفي روحك وفي إنسانيتك، وماتعرفش أي حاجة عن الأدب. عالج المرض ده أهم من أي حاجة تكون بتعملها.

الموت عبقري، هو أسهل طريقة للإجابة على الحياة؛ اللي حتعمله أكيد لو عرفت انك حتموت بعد شهور، هو اللي لازم تعمله حالا وانت مش عارف حتموت امتى.

فيه ست تعرف تخلّيك تلف حوالين نفسك، وفيه ست تعرف تساعدك تثبت والعالم كله يلف حواليك.

دلوقتي حنعمل ايه في المشكلة المنيلة بستين نيلة بمبي دي؟! لعيبة من غير راس وأوحش لون في كل الألوان على لون ال T-shirt اللي هي أصلا من غير راس! متشكرين أوي اتحاد الكورة (صاحب أوحش لوجو في التاريخ) ومتشكرين أوي شركة presentation sport عالمأساة دي. ألف ألف شكر

الحب 'مابيتعازش'، ماينفعش تعوز حب، الحب أصلا عكس العَوَزان. الحب بيحصل، يحدث، يقع، مالكش انت دعوة خالص بيه، ماتقدرش تعمله، ماتقدرش تخلقه، ماتقدرش تشده. كل اللي الناس بتتكلم عنه كتير ده، مش الحب خالص.

غريبة القلوب وهي بتتغير، غريبة هي اللحظات اللي بيتخلق فيها الحب، وغريبة الحظات اللي بيموت فيها الحب.

الصبر مش يعني "تستنى"، تنتظر، لما حاجة تخلص ولّا حاجة تانية تحصل؛ الصبر يعني ماتبقاش مستني أصلا، ماتبقاش محبوس في الانتظار. الصبر يعني تعيش.

من يحبه الله، تؤدِّبهُ الدنيا. ❤️

التجربة هي أهم حاجة في ابن آدم. آدم أصلا ربنا قاله ماتاكلش من الشجرة فجرّب! احنا الكائن المُجرَّب، اللي كل ما يجرّب كل ما يكبر؛ مش كل ما "يمر" بتجارب كما يقال، لأ كل ما يجرب. كل ما يعيش تجربة يحاول يفهم بيها نفسه وربنا والكون فهم أعمق، وأكثر حقيقةً. ماتخافش أبدا من التجربة. جرّب.

دي أمنية للمبسوط يبقى ممتن وحامد على انبساطه، والزعلان ربنا يطبطب على قلبه، والخايف ربنا يطمنه، والمكسور ربنا يجبر بخاطره. العيد زيه زي كل حاجة مش براك، جواك! اعمل عيد صغنن كده جوة قلبك وخلي اللي حواليك يشوفوه، يصبح العالم أكثر سعادة. كل عيد وكل الناس أسعد من ذي قبل ❤️

ماتقولش "وجدتها" أبدًا، بل "أُلقَت إليّ". ولا تقول انك عملت، ولا تقول "انا سوّيت". نِعَم كلّها، كلّها كلّها أرزاق. واحد أحد كُنيته الرزّاق. سبحانه صاحب الأفضال، وسلامٌ على المرسلينَ، والحمد كلّه لله رب العالمين. ♥️

عمرك ما تزعل على مشاعر اديتها لحد وماعرفش يعمل بيها إيه أو خاف منها أو حتى رماها رمي؛ روحك كل ما تدّي كل ما تكبر، افرح ان روحك تملك أن تعطي.

الناس اللي بتشيلك وانت زعلان أو ضعيف، دول اللي بيحبوك؛ اللي بتبقى عايز تشاركهم سعادتك دول اللي انت بتحبهم؛ لو الاتنين واحد يبقى انت تمام.

من الحاجات المهمة اللي أكدت نفسها في الأيام اللي فاتت ان أي إخواني عنده ذرة من العقل أو الوطنية لازم يحلّ نفسه من الجماعة المجنونة دي حالا، بغض النظر عن حيحصل ايه بعدين. طول ما فيه جماعة طول ما كل محاولة للتغيير حتتوسخ بيها؛ مش انها مصدر الوساخة الوحيد طبعا بس دي وظيفتهم الوحيدة.

أرجوكو كمّلوا ثورة البنات دي للآخر. استبيعوا، اكسروا السجن ده، سجانيكم ضعاف وعشان كده بيعكسوا الصورة وبيقهروكو. الراجل اللي مش عارف قيمتكو ده مش حيديكو حاجة! لازم حريتكو انتو تفرضوها. ماتحاولوش تفهّموا حد حاجة مش حيفهمها؛ شيلوا البرقع، خوّفوا البعبع، كونوا، عيشوا، رغمًا عنهم ❤️

ستات كتير بيبذلوا مجهود رهيب جدا عشان يبقى شكلهم أحلى؛ وهي الست الحلوة حاجة حلوة جدا طبعا لكن أصلا أصلا الست بالحضن مش بالشكل.

أسهل طريقة تسامح بيها حد انك تدعيله. الدعا حب، والحب يطلَّع أحسن ما فيك، الدعا استحضار لربنا في القصة، وربنا سيرته لما تيجي ييجي معاها الخير

عظمة الحب انه يقدر يخلي كل حد جميل بل الأجمل في عين اللي بيحبه. ماحدش محتاج يبقى جميل، لكن كل الناس محتاجة تتحب. كل شخص محتاج حد يشوفه جميل.

من الإدمان انك تدمن شخص؛ يكون تأثيره سيّء عليك أو على حياتك، عارف انه مش بيتك، ومع ذلك مش قادر تسيبه. مستحيل ده يكون حب، الحب حُر مش مدمن.

ماتدعيش لحد بالشفا لوحده كده، ولا معاه "المسلمين!" زي ما بيعلموك. ادعي لكل صاحب ألم أو شقاء، لكل الناس؛ الله كريم ماتبقاش بخيل وانت بتدعيه!

لما بيقولوا الحب أعمى مابيتكلموش عن الحب، بيتكلموا عن الهوس والتعلّق والخوف اللي بيسبّبهم؛ الحب بيشوف، بيشوف أحسن منك بكتير.

سلام لنُبل ٢٥ يناير وبراءة ٢٥ يناير وسذاجة ٢٥ يناير وتضحيات ٢٥ يناير سلامٌ سلام، لحلم ٢٥ يناير (كل الحاجات الوحشة بقه اللي جت مع دول مالناش دعوة بيها دلوقتي، الخير فقط هو ما فعلا يَبقى :) كل سنة وانتو طيبين. #25يناير

ذكرى الحلم ببكره، ذكرى الجدعنة والشجاعة والوقوف مع بعض، ذكرى الهتاف من القلب، ذكرى المحاولة الشريفة والتضحيات والدموع والأحضان وحب الناس والأرض. ذكرى كمان ان اتضحك علينا من 'كل' اللي بيحبوا نفسهم بس، بس خليك فاكر ان ده لا يعيبنا احنا يعيب اللي ضحكوا علينا. #٢٥يناير سلامٌ سلام

أغلب الناس مساجين؛ المسجون في ثقافته، في فلوسه، في شغله، في عياله، في طريقة حياته، في طبقته الاجتماعية؛ كل اللي مايقدرش يعيش زي ما يحب مسجون

غريبة الحياة بتتغير في ثانية؛ فجأة جنة، فجأة جحيم، فجأة حب، موت، مصيبة، فرْح، محنة، سعادة، بينهم لحظة. والله خالق الحياة لا يَتغيّر أبدا.

من ألف وعشرين سنة بس! الأيام دُوَل صحيح.

مافيش هزار أبدا خالي من الجد، تحت كل هزارة فيه حقيقة ما مستخبية، خدوا الهزار بجد!

عايز بس اقول ان المنطقي الوحيد ان الفلوس اللي بتتوفر من رفع دعم الوقود لازم كلها تتحط في تحسين المواصلات عشان الناس تقدر تستغنى عن عربياتها.

الحمد لله مش لما تحصلك حاجة حلوة، ولا لما تحصلك حاجة وحشة، ولا لما مايحصلّكش حاجة؛ الحمد لله لأنه الله، خالق الحياة والروح. هو الله أحد 🙏🏼❤️

انت المسئول الوحيد عن تعاستك؛ لو اتعلمت تتقبل كل حاجة في الدنيا، مهما حصل، عمرك ما هتبقى تعيس. يبقى انت المسئول.

مافيش في الدنيا أوحش من ان حاجة حلوة أوي تبوظ لدرجة ماينفعش تتصلح بعدها، خلّوا بالكو من الحاجات الحلوة، اوعوا تبوظ منكو.

لذيذ القلب لما "يتخطف" (كل التصرفات العبيطة اللي ممكن تصدر منك بعدها، لو عقلك اتخطف كمان زي ما بيحصل عادةً، ده موضوع تاني) لكن من قبل تدخّلك انت خالص، الخطفة نفسها مذهلة! ❤️

مافيش حاجة أبدا زي الشمس وهي طالعة؛ كل يوم كأن الحياة بتبدأ من الأول.

أنا بس كنت عايز اقول اني متفائل، خلّيكو آملين وجدعان واثبتوا كده عشان لسه مشوار طويل؛ ربنا يعدي أزمتنا على خير ويكرمنا وهو الكريم 🙏🏼

انا مش بتاع كورة بس مبسوط ان كل الناس دول اتبسطوا (من غير ما حد منهم يبقى زعلان من 'التانيين'!). مصر اتبسطت :) فارج الهم يفرجها ❤️

واحنا صغيرين كانوا يقولوا الكذاب حيروح النار وكده، لأ لأ، الكذاب هو النار. ابن آدم مليان عيوب وقادر عالبدع، إلا اللي يكذب في وشك وهو عارف انه بيكذب ده، ويكذب تاني وعاشر ولألف سبب بيحلل بيهم الكذب لنفسه. أردأ أنواع البشر.

ولا تستنى ولا تطلب من حد يطبطب عليك، طبطب على نفسك؛ ممكن ربك يبعتلك حنية طبعا لكن الحنية رزق والرزق لو استنيته تتعب، لو جاي بييجي لوحده.

أغلب مشاكلنا بنعملها بنفسنا لنفسنا لما ماناخدش الأمور ببساطة؛ احنا مجتمع نفسيته معقدة جدا، خليك فاكر طول الوقت انك متعلم تعقد الحاجات.

مصر مليانة ناس حلوة، ماتخليش القُبح الكتير يخلّيك ماتشوفش الحلو. شوفه وساعده وحبه وقلّده وكون جزء منه، كفاية شتيمة في نفسنا الشتيمة بتأذينا.

You don’t have to be strong by the way, you can be weak all you want, you’re a mere human. Allah is strong enough for all of us, be with God and be invincible. الله أكبر ❤️

في مسألة تيران وصنافير كل مؤيد لموقف الدولة وكل معارض لموقف الدولة على باطل؛ الوحيد اللي على حق هو اللي عايز الحق. ومن حقه دليل "دامغ" عالحق

دول مش خاطفين الناس بس حاطينهم في الأتوبيس عشان يصوتوا دول خاطفين الأتوبيس نفسه!! السواق بيقول "واخدين بطاقتي وحاجتي". إيه الرخص ده! انشالله يكون حاكمنا المبجل مدى الحياة المرسل من الإله لإنقاذنا، مبسوط وحاسس بالانتصار على قوى الشر.

"لا إله إلا الله" مش كلمة التوحيد وخلاص كده؛ بل طريقة حياة، طريقة تعامل مع الدنيا بكل ما فيها، طريقة تقبّل لكل حاجة، طريقة تأمُّل لكل حاجة.

البُكا أنواع كتير، أكترهم 'قداسة' هو البُكا من كتر ما انت مش عارف!" وهو مقدس عشان بياخدك من إيدك للوحيد الواحد اللي يعرف كل حاجة. ❤️

أنا راجل مُعبّر جدا، كنت دايما أحب اقول أفكاري بصوت. الستات علموني ماعملش كده، مش مفروض تقول كل حاجة بتفكر فيها! مع الستات كل ما تتكلم أقل كل ما يبقى أحسن. (مش بكروتة، تتكلم بحضور واهتمام) ثم اكتشفت ان دي أصلا قاعدة تسري على كل الكلام مش مع الستات بس. شكرًا لكل من علموني. 🙏🏼 :)

ليه كل الإخوة "المرابطين" في سوريا والعراق وسينا، (المجاهدين من أجل الإسلام ها) ليه مابياخدوش كل السلاح والبمب اللي معاهم اللي بيحاربوا بيه بلادهم وناسهم ده ويحوّدوا على اسرائيل يدافعوا عن القدس والأقصى؟ ليه ها؟ ليه؟ كلكو عارفين ليه، وهم كمان عارفين.

الله دايما مُتجلّي في كل حاجة، لما مانشوفوش بتبقى مشكلتنا احنا الله لا يُخطأ. غمّض عينك وافتح قلبك ترى الله وتأنس بيه وتحبه ❤️ لا إله إلا هو

"إذا زلزلت الأرض زلزالها •وأخرجت الأرض أثقالها•وقال الإنسان مالها•يومئذ تحدّث أخبارها•بأن ربك أوحى لها ..." الأرض حتُخبر عننا إيه؟! حتقول عنك انت شخصيا إيه "الأرض" شخصيا؟!

"له ما في السماوات وما في الأرض" ❤️

أنا عايز اقول ان في الظرف الرهيب اللي احنا فيه ده، الرهيب! تحية كبيرة جدا لكن الناس اللي بتخلق حاجات حلوة، وكل الناس المخلصين، وكل الناس اللي بيحاولوا، وكل الناس اللي مابيخونوش نفسهم ها، اللي مابيخونوش نفسهم فبالتالي مستحيل يخونوا حاجة. عالراس والله، سلام ورحمة عليكو جميعا. 🎩♥️

كويس، لو استفدنا ان اتحاد الكورة البشع ده يتحل تبقى مصلحة.

الحب هو العلاج الوحيد، (مش الاحتياج والعوز والرغبة وحب الامتلاك اللي بنسميهم خطأً حب)؛ حِب حقيقتك، حِب الخلق والمخاليق، حِب الله، تطيب. ❤️

الطريق الوحيد اللي محتاج تمشيه هو طريقك لربنا، وربنا جواك مش محتاج غير نفسك عشان توصله؛ أول ما توصل هنيّالك كل الحاجات، ماتقدرش عليك الدنيا.

العقل والمشاعر يقدروا ينتجوا سعادة لكن مؤقتة متغيرة سطحية؛ سعادة الروح عميقة، ولأن الروح موصولة بالله فلا تسعد بغيره، ولأنها بالله فلا تفنى.

مبروك للسعودية تستاهلوا تكسبوا. 👏🏼 (بغض النظر عن ان تركي الشيخ للأسف فرحان دلوقتي!)

اللي مايقدرش يختار حاجة، مايستاهلهاش.

انشالله تبقى سنة حلوة وفرحانة وبتحب وبتضحك. كل سنة وانتو طيبين ❤️

فرقة المغرب بتعمل ماتش "عظيم" 👏🏼🇲🇦

أغلب الناس مابقوش بيتفرجوا على حاجة، بقوا بيصوّروها؛ نفس أغلب الناس مابقوش بيعيشوا الحياة، بقوا بيكتبوا عنها عالإنترنت!

الاقتراب من الله تجربة شخصية؛ ماتسألش حد ازاي تقرّب منه، ولا تسأل حد ازاي تعرف انك قرّبت. دوّر على الله بنفسك، وحتعرف لما تقرّب.

بشوف ان الإسلام "السلفي" واسع الانتشار والتأثير استثمر في فكرة "لا تنشغل بالدنيا وانشغل بالله" ثم للأسف قدّم منهجا وفلسفة وطريقة لذلك، حوّلت متّبعيه إلي الانشغال "بالدِّين" عن الله! بالإسهاب في التفاصيل والشكل والشكليات عن كل ما هو قلب دين التوحيد فعلا. فانسلخت عنه روحه.

مش دور اللي بيحبك انه يكونلك كل حاجة انت عايزها منه، مش وظيفة هيّ؛ دوره "يكونلك" بس، يكون منّك، (مش يكمّلك ها)؛ يكون ليك، مش يكون ملكك ها.

الغِنى من الاستغناء، مش مهم مصدره ان عندك اللي انت عايزه، أو انك مش عايز حاجة أصلا، الاتنين بيتساووا. ممكن تبقى غني وانت عندك أو ماعندكش.

جميل اللي بيحصل في وداع #أحمد_خالد_توفيق ربنا يكرمه ويكرمنا جميعا. كثير من الوفاء والتقدير والاحترام والحب، كثير من القصص، كثير من الصداقات مع ناس عمرهم ما قابلوه؛ حتى الموت ممكن يبقى جميل.

اللهم ألقِ علينا محبّةً منك من محبّتك لكليمك موسى، وآتنا وجاهةً من وجاهة ابن مريمَ عيسى، وسلّم وصلّ وبارك علينا ولو مرّةً شفاعةً لصلاتنا على المحمودِ طه لسنا أهلا لها ولكنك أنتَ، لنا أهلا ♥️

ماتعوزش من حد حاجة، عوز من نفسك بس.

دخّل ربنا في كل حاجة؛ ربنا أصلا في كل الحياة بس دخّل ربنا في الموضوع يعني تستحضره، تذكره، تذكّر نفسك النسّاية بأن الله في كل شيء خلقه.

السكوت مضر لإن سببه خوف، والصمت عظيم لإن سببه دايما حب. دوّر دايما ورا سبب السكوت تعرف ده سكوت ولّا صمت. شبه بعض لكن مالهمش نفس الصوت.

دمٌ مخلوطٌ بالترانيم صلواتٌ وصراخٌ وحيرةٌ في العيون مَن قلوبهم مَرضيّةٌ يرضوا مَن قلوبهم غُلفٌ يفرحون! الربُّ يسمعُ ويرى وعيسى ومحمدُ يَبكون

مافيش حاجة أعظم من انك تقابل ناس تدخل في قلبهم ويدخلوا في قلبك، تحس بيهم، يصدقوك، تأثر فيهم، يأثروا فيك، تغيروا حاجة في بعض؛ نعمة عظيمة.

بيضيع أغلب عمر ابن آدم بين اللي خايف منه، وبين اللي عاوزه 'عشان خايف منغيره'. الوقت الوحيد اللي فعلا تقدر تستمتع بوجودك بلا شرط هو الوقت اللي انت فيه مش عايز ومش خايف. الحياة قصيرة جدا على انها تضيع في الخوف، عيش بس، حس بالحياة وقدْرها وقدّرها بس، حتلاقي المشكلة الكبيرة اتحلت. ❤️

الحب خير، رزق، والرزق يحب الكرم ويبوّظه البخل، ماتبخلش بالحب. ومش عشان يجيلك قصاده وكده لأ، عشان هو كده أصلا، الحب كده، بالكرم، وإلّا يبوظ.

أنا أكتر حاجة بتخوفني على مستقبل مصر (مش اللي اللي انتو فاكرينه لأ 😂 دي حاجات بتروح وبتيجي والتاريخ طويل) اللي بيخوفني هو العدد الرهيب من سواقين الموتسيكلات (والأقل رهابة من سواقين العربيات) اللي مابينوّروش النور أكيد عشان بيوفّروا، بجد. بخاف جدا منهم، ومن خلفتهم كمان! :)

فيه موضوع مهم جدا وماحدش بيتكلم عنه خالص! المانجة الفونس خلصت! سيدة المانجات كلها، المانجة القوية الواثقة أم لحم طري بس مشدود أم سكر ومَزازة بيرقصوا باليه مع بعض بلون برتقالي بديع. ♥️ هي الدنيا كده، الحاجات الجميلة ماتستناش كتير. وداعا أيها الفونس، ألقاك السنة الجاية انشالله.

وياريت الدولة اللي قد الدنيا اللي بتاعة الضرايب والاسفلت والكباري دي تهتم بموضوع النضافة ده عشان احنا كلنا الحقيقة عايشين في مزبلة لحد ما كل الناس اتعودت ومابقوش شايفين الزبالة أصلا عشان كده كله بيزبّل! وطبعا عشان النضافة مابتجبش فلوس فهو موضوع مش مهم لدولة لم الفلوس بتاعتنا دي.

كل الناس بيتعلموا يخافوا من الموت، مع ان أفيدلهم بكتير يخافوا من "قلة الحياة"، من انصاص وارباع وأعشار الحياة، من حياة شَبَه الحياة.

أوحش مرض مصاب بيه مجتمعنا ان ناس كتير أوي مشغولين دايما بإنهم يلاقوا حد يتضايقوا منه أو يشتموه أو يكرهوه. سيبك بقه من المرض اللي عند الناس ده، خليك في حالك، صلح من عندك، ابدأ انشغِل بحاجة عندك انت بدل ما تنشغل بالحاجات اللي عند الناس.

إدعي دايما لنفسك وللي بتحبهم وكل الناس؛ "يا رب علّمنا اللي محتاجين نتعلّمه". (مافيش مصدر تاني لمعرفة الحقيقة)

انا مابفهمش في ملاعيب السياسة لكني فرحان باستقلالية مجلس الدولة عن السلطة، أكتر حتى من مصرية الجزر نفسها.

الحتة اللي قلبك مش مرتاح فيها تبقى مش بتاعتك، لازم قلبك يبقى مرتاح. الدنيا كلها صعبة لسه بس لازم قلبك يبقى مرتاح. ده الشرط الوحيد.

لما تكتئب جسمك بيقولك ماتتحركش، ماتعملش حاجة، وقّف حياتك اللي بالطريقة دي عشان تغيرها، مش عشان تفضل تعمل نفس اللي بتعمله وتبقى تعيس!

أكتر حاجة تخوّف هي الخوف.

الجواز بيتبنى ويقف على حجر أساس واحد، احساس ان مراتك أو جوزك هم "بيتك". لو الحكاية دي باظت خلاص. لو مابقوش بيوت لبعض، يبقى ده مش جواز خلاص.

كم من الدنيا رأينا؟ كم مَشَينا؟ كم تَبَقّى؟ هل رَضينا؟ هل فرِحنا؟ هل تلوّعنا بحـُبٍّ؟ هل نسينا؟ وهل قبلَ أن نُنْسَى، ذَكرْنا؟ هل رأينا اللّهَ؟ وهل لمّا رأيْناهُ، عرَفنا؟

الحب زي كل حاجة في الدنيا بينقص منه حاجات مع الوقت، إلا الحب اللي الله فيه. الحب اللي بتسمدّه روحك من الله لمن تحب، لا يفنى ولا ينقُص.

من أحلى الحاجات في الدنيا لما تلاقي نفسك قادر فجأة تعمل حاجة ماكنتش بتعرف تعملها! التعلّم تراكمي صحيح لكن فيه لحظة واحدة بيكمل فيها. :)

بجد بجد والله العظيم! في سنة ٢٠١٦؛ (أشخاص ما)، جايبين نسوان تشرشح وتعمل بصوابعها لاعتصام نقابة "الصحفيين"! انتو بجد ولا خيال غير علمي؟!

القاهرة بقت عاملة زي ست حلوة أوي، وانت بتحبها أوي، بس هي الحقيقة ماتتعاشرش! أحلى مدينة في الدنيا بس تعذبك طول ما انت عايش فيها.

انت جدير بالحب والابتسام والسعادة، لأن الله جواك. لأن الله في روحك، الله نفسه بجلاله كله هو الحياة اللي بتدب في روحك انت. ابتسم :)

مافيش حاجة اسمها تبقي ماشي "صح"، انت أصلا ماتعرفش المستقبل، مش ممكن تعرف الصح ايه، لكن ممكن تعرف اذا كنت في مكانك، إذا كنت ماشي في "طريقك"

كل كل هذا الجمال في هذه الحياة ونتركه جميعه، ونُفتش عن القبح.

فاضل شوية صغيرين جدا، جدا، ومصر كلها حتنزل في الشارع تغني "الملاحة الملاحة وحبيبتي ملو الطُّرّاحة" بصوت محمود عبد العزيز طبعا.

الحنية يا أخي حاجة مهمة جدا لسلامة نوع البني آدم، مش عارف الناس الناشفة دي عايشين ازاي؛ فيه ناس قلوبها خشب كده، شيء عجيب.